Nýggjur formaður er valdur í elsta fótbóltsfelagnum í landinum. Tað boðar TB frá á heimasíðu síni.
Formaðurin síðsta árið, Fróði Olsen, hevur av persónligum orsøkum tikið seg úr TB nevndini.
Niels Pauli Eysturberg var tiltakslimur í starvsnevndini, og nú er hann valdur at vera formaður í felagnum. Hini í starvsnevndini eru Eyðdis Ellendersen, næstformaður, og Armgarð Sørensen, peningarøkil.
Fótbóltsnevndin er mannað, og hon hevur skipað seg soleiðis: Bjarni Nygaard er formaður, Sigvald Steinkros, varaformaður, og Jan Ole Farstad og Dan Erik Johansen eru nevndarlimir.
