- Tað tók ein lítlan tíma, áðrenn vit sluppu í land, eftir at skipið hevði lagt til bryggju á Krambatanga.
Soleiðis sigur eitt av ferðafólkunum, sum var við Galaxy úr Havn og suður til Tvøroyrar fyrrapartin.
Tað var klokkan 10 í morgun, at Galaxy fór av Havnini.
- Men, tá vit komu á Krambatanga, fekst portrið ikki upp, og hvørki ferðafólk ella bilar sluppu í land.
Ferðafólkið, sum vit hava skift orð við, sigur, at tað tók tað mesta av einum tíma, áðrenn ferðafólk sluppu í land.
- Vit skiltu, at ein hydraulikkslanga var farin, og tí fekst portrið ikki upp, tá vit høvdu lagt til bryggju á Krambatanga.
Nøkur ferðafólk og nakrir bilar vóru við Galaxy á túrinum til Suðuroyar í morgun.
##med2##
