23 ára gamli maðurin, sum skeyt og drap tvey børn og særdi 18 onnur í einum álopi í Minneapolis mikudagin, skeyt heili 116 skot inn í kirkjuna.
Tað sigur løgreglan í økinum.
- Tað er ógvuliga týðiligt, at tann, sum skeyt, vildi terrorisera óseku børnini, segði løgregluovastin í Minneapolis, Brian O'Hara, á tíðindafundi í gjár.
Næmingarnir í Annunciation Catholic School vóru samlaðir til eina gudstænastu, tá hin 23 ára gamli fór at skjóta gjøgnum eitt vindeyga.
Brotsmaðurin, sum hildin verður at hava framt álopið, gekk í sínari tíð í sama skúla og hevði eisini verið limur í kirkjuni, upplýsti Brian O'Hara á tíðindafundinum.
Tað er tíðindastovan NTB, sum ber hesi tíðindi í morgun.
