Jacob Jónsson, sum var hjálparvenjari hjá Neistanum síðsta kappingarár, skal nú syrgja fyri, at kollfirðingar vinna seg upp á ovastu rók í føroyskum hondbólti.
Heimasíðan hjá Neistanum skrivar, at hann og Jan Ottesen verða høvuðsvenjarar hjá KÍF næsta kappingarár.
- Eg fekk tilboðið at koma til Kollafjarðar, og tá ið mær dámar væl at arbeiða við hondbóltinum, sum er spennandi og stuttligt, tók eg av. Í Kollafirði eru nógvir evnaríkir og góðir spælarar, so hetta fer óivað at vera spennandi uppgáva og harvið avbjóðing, sigur Jacob Jónsson við neistin.fo.
