Hondbólts-Føroyar eru vónbrotnar aftaná 26-31 tapi fyri Luksemborg í HM-undanundankappingardystinum í høllini á Hálsi fyrr í kvøld. Veddingarfyritøkurnar útróptu Føroyar til greiðan favoritt, men tað sást ikki á vøllinum, og so slettis ikki í seinna hálvleiki.
Føroyar hava nú ein sera torføran arbeiðssetning móti Italia í annaðkvøld klokkan 19.30. Italia vann stórsigur 36-23 (21-13) á Lettlandi fyrr í dag.
Luksemborg-Føroyar 31-26 (11-10)
Føroyar: Hákun West av Teigum 9, Sjúrður Olsen 5, Tróndur Mikkelsen 3, Vilhelm Poulsen 2 (1), Helgi Hildarson Hoydal 1, Peter Krogh 1, Áki Egilsnes 1, Rói Berg Hansen 1, Teis Horn Rasmussen 1, Rókur Akralíð 1
HER ber til at hoyra stuttu samrøðurnar Sjúrður H. Hoydal frá FM1 og trok.fo gjørdi við toppskjúttan, Hákun West á Teigum, venjaran, Peter Bredsdorff Larsen og debuterandi málverjan, Paula Jacobsen.
Pauli helt seg standa illa í málinum, og hevði ynskt sær eina betri debut. Venjarin ásannar, at tá ein brennur so illa sum føroyska liðið gjørdi í kvøld, so fær ein tað aftur í høvdið. Fyri Hákun var tað soltin uggi at vera valdur at vera besti spælari hjá Føroyum.
Menn hava tó eina vón um, at avrikið móti Italia verður munandi frægari í annaðkvøld klokkan 19.30.
Sjúrður H. Hoydal sigur sjálvandi frá dystinum á FM1, og samrøður vera at finna á trok.fo aftaná dystin.