- Vit hava heitt á stjórnina hjá Aleksandr Lukasjenko, forseta, um at burturvísa Wagner-leiguhermenninar úr Hvítarusslandi í stundini.
Tað sigur pólski innanríkisráðharrin, Mariusz Kaminski, eftir fund við starvsbrøður sínar í ávikavist, Litava, Lettlandi og Estlandi í dag.
Londini hótta eisini við at steingja mørkini til Hvítarusslsnds, um nakað hendir, har Wagner-limir eru íblandaðir.
Sambært pólskum myndugleikum eru fleiri túsund Wagner-hermenn í Hvítarusslandi, sum hevur mark til bæði Russland, Ukraina, Pólland og Litava.
Herfyri segði forsetin í Hvítarusslandi, Aleksandr Lukasjenko, at hann fer at hava túsund Wagner-hermenn í landinum.
Tað er tíðindastovan NTB, sum ber hesi tíðindi í dag.
##med2##
