Jóan Símun Edmundsson var 75 minuttir á vøllinum og hann legði hegnisliga upp til málið hjá Waasland Beveren, ið tíverri tapti 1-3 fyri Lierse á heimavølli ígjár.
Lierse kom á odda aftaná eitt hornaspark longu í triðja minutti.
Tá 20 minuttir vóru farnir hevði Jóan Símun eina sera góða sending til Louis Verstraete, ið inni í brotsteiginum útplasseraði málverjan hjá Lierse.
Leingi sá út til, at dysturin fór at enda 1-1, men í 90. minutti kom Lierse á odda 2-1. Í tíðini dómarin hevði lagt aftrat øktu teir til 3-1.
Waasland Beveren er næstfremst í næstbestu belgisku deildini við 16 stigum. Sjey stig eru upp til oddaliðið, Westerlo sum hevur spælt ein dyst færri enn Waasland Beveren.
Komandi sunnudag spælir Waasland Beveren móti júst Westerlo á útivølli.
HER ber til at síggja hæddarpunktini frá dystinum:
##med2##
