Arbeiðið at umvæla automatikkin á pumpustøðini á Sevmýri er nú um at verða liðugt. Enn manglar at grava partar av káplinum millum ovaru brunnarnar og pumpustøðina niður.
Pumpustøðin pumpar vatn úr høvuðsleiðingini í Sevmýrisvegnum niðan í brunnarnar omanfyri Støðlarnar, sum eru í 115 m hædd. Mátarar stýra pumpunum og siga frá um standin í brunnunum, skrivar Tvøroyrar kommuna á heimasíðuni.
Eisini sigur alarmur frá, um ov lítið vatn er í. Úr brunnunum rennur vatnið oman í Støðlarnar, Torvheyggj, Brekkurnar og Hamar.
Meðan pumpustøðin hevur verið óvirkin, hava hesi øki fingið vatn úr reinsiverkinum í Støðlunum. Tað ber til, men trýstið er nakað lægri.
