Tað eru liðini hjá Gunnari Vatnhamar og Patriki Johannesen, Víkingur Reykjavík og Breiðablik sum kapprenna um íslendska meistaraheitið.
Nú fýra umfør eru eftir at leika í endaspælinum hava bæði liðini 52 stig hvør. Víkingur hevur betri málmun og er tí oddalið.
Í kvøld spældi Gunnar allan dystin, tá Víkingur á Víkingsvøllinum vann sannførandi 3-0 sigur á FH.
Víkingur Reykjavík-FH 3-0 (1-0)
1-0 Helgi Guðjónsson ('13)
2-0 Helgi Guðjónsson ('73)
3-0 Viktor Örlygur Andrason ('90)
Komandi sunnudag klokkan 15 tekur FH móti Breiðablik á heimavølli. Sama kvøld klokkan 20.15 spælir Víkingur dyst á útivølli móti Vali.
Í seinasta umfarinum 27. oktober møtast Víkingur Reykjavík og Breiðablik á Víkingsvøllinum í tí sum sannlíkt verður finalan um meistaraheitið.
