Mikudagin letur nýggja vælveruøkið í Leirvík alment upp.
Klokkan 17–18 er møguleiki hjá øllum at síggja nýggja vælveruøkið uttan fyri svimjihøllina í Leirvík.
- Gløgg og søtt verður at fáa við høvið, siga tey í Eysturkommunu í dag.
Eftir at vælveruøkið alment er latið upp - ella frá klokkan 18–21 - verður almenn svimjing, har eisini vælveruøkið verður opið – og ókeypis at brúka.
- Nærri kunning um upplatingartíðir kemur seinni, siga tey í Eysturkommunu í dag.
