Í allarflestu fótbóltsliðum er termologi´in, at ein spælir seg á liðið, ella spælir seg av liðnum.
Men tað var ikki neyðugt í førinum hjá Etienne Green, ið er ein 25 ára gamal enskur málverji, ið hevur verið eykamálverji hjá Burnley seinasta árið, tó uttan at hava spælt nakran lið við besta liðnum hjá Burnley, ið spældi í næstbestu ensku fótbóltsdeildini farna kappingarár, og vann sær uppflyting til Premier League við at enda næstfremst í Championship.
Etienne Green var ikki meir enn lendur í Frederica, so fekk hann møguleikan at verja málið hjá FC Fredericia í útidystinum í superliguni í Aarhus, har AGF var mótstøðuliðið.
Tað gekk tó einki serligt hjá Fredericia í Aarhus í dag. AGF vann stórsigur 4-1. Í steðginum vóru áarósumennirnir frammanfyri 2-0. Tó hevði Etienne Green seks bjargingar, og hann kundi ikki lastast fyri málini AGF skoraði.
Etienne Green hevur spælt 37 dystir við franska liðnum, St. Etienne, árini millum 2021 og 2024. So har var hann eisini eykamálverji. Hann spældi í sínari tíð tveir U21-landsdystir við Onglandi, men hevur ikki spælt aðrar landsdystir.
Tíbetur - sæð við føroyskum landsliðsbrillum - fekk Mattias fýra superligadystir í beinini í august, og er tí væl fyri til at kappast um plássið millum stengurnar á føroyska landsliðnum. Men tað tykist onkursvegna, sum Michael Hansen, høvuðsvenjari hjá FC Fredericia ikki ætlar at brúka Mattias sum fyrsta val. Og tað er ikki ein nøktandi støða fyri føroyska landsliðið.
Michael Hansen segði orðarætt við Fredericia Dagblad undan dystinum móti AGF: - "Nu er Etienne her, og nu skal han trænes, og der skal bygges relationer på. Vi står foran en kamp, hvor jeg selvfølgelig vælger den bedste - alt andet ville være tåbeligt. Etienne er i spil, men det gælder om at finde den rette sammensætning, og Lamhauge har gjort det godt. Han er inde i en god periode nu, og det kræver mere end almindeligt niveau til træning for at overbevise mig om, at jeg skal vælge en anden." Og so valdi hann hin málverjan.
Fredericia er annars nummar seks í superliguni við 10 stigum. Júst AGF er fremst við 14 stigum.
