Í løtuni fiska trý frystilínuskip í føroyskum sjógvi. Restin av línuskipunum liggja við byggju.
Tað vita tey á Fiskamarknaði Føroya at siga.
Her verður lagt aftrat, at væntandi fer okkurt línuskip út í vikuni sum kemur.
Streymurin er góður, men hann harðnar, sum næsta vika gongur. Veðrið verður gott næstu dagarnar.
- Vit vænta, at nakað verður av útróðri í vikuni. Fiskiskapurin hjá útróðrarbátum er brúkiligur.
Sagt verður, at onkur útróðrarbátur er á Føroyabanka.
