Ein nýggjur handil lat upp í gjár í C. Pløyensgøtu 4 í Tórshavn. Handilin eitur Freya Leikur og hann hevur høli saman við Valkyrja Tattoo Studio, ið fyrr helt til í Jónas Broncksgøtu 34.
Vørurnar í Freya Leikur eru nakrar, ið ein ikki er vanur at síggja í handlum í Føroyum, skrivar handilin í tíðindaskrivi.
– Har ber til at keypa ymiskar sex leikur, hóast tað kanska ikki líkist teimum sex leikum, ið vit eru von at síggja. Leikurnar eru einfaldar og einslittar í vøkrum litum, og sniðið er fagurfrøðiligt, skrivar handilin.
Handilin kom av, at fýra vinfólk hugsaðu “hví ikki?” og fóru til verka. Tað hevði leingi verið eitt ynski at arbeitt saman um eina verkætlan, og tey blivu skjótt samd um, at tað at selja sex leikur í Føroyum var júst tað rætta fyri tey.
– Vinfókini mettu, at tað var týdningarmikið at kunna nerta við vørurnar og kunna fáa ráð og vegleiðing um brúk, reingerð og goymslu av leikunum. Eisini var týdningarmikið at hava fagurfrøðiligar vørur av tí, at sniðið kann halda fólki frá at nýta sex leikur um tey t.d. meta leikuna vera ov vulgera. Fyri summi er tað ein stuttlig leika og fyri onnur kann tað vera eitt gott hjálpartól, tá tað kemur til samlegu. Bæði eru eins týdningarmikil og ein tílíkur handil er við til at avstigmatisera nýtsluna av sexleikum í Føroyum.
Motto ella niðurlagið hjá Freya Leikur er »meiri stuttleika, minni stigma«.
Handilin fer at hava opið týsdag til fríggjadag kl:okkan13 til 17.30 og leygardag frá klokkan 10 til 14.
