Luttøkan í kappríðing í Havn í dag setir met

Tað er sera stór framgongd í kappríðingini í ár.

Tað staðfestir Brandur í Dali í Føroya Ríðingarfelag.

Klokkan trý seinnapartin í dag verður heystkappríðing í Marknagili í Havn og har eru ikki færri enn 39 luttakarar.

- Hetta er helst størsta luttakaratalið í hesari øldini og tað er sjálvsagt nakað vit fegnast um, sigur hann

Í eini roynd at økja um áhugan fyri ítróttini, hevur Førpya Ríðingarfelag tikið nýggjar ríðigreinar við, og hetta hevur givið góð úrslit.

- Fyri nøkrum árum síðani var byrjað við greinini, Skeið, og í ár verður so eisini kappast í Tølt.

Brandur í Dali sigur, at spenningur er eisini í nøkrum greinum. Í Tvíspor fyri ung eru heili trý ross ið hava møguleika at vinna FM.
Brá er á odda, men Sina og Pegasus eru beint í hølini á henni og tey hava øll møguleika at vinna FM.

Hjá teimum vaksnu er Flykra á odda við 20 stigum og Vør er tann sum er nærmast henni við 16 stigum.

Kappast verður í hesum greinum. Tølt, Skeið, Trav, Tvíspor ung og Tvíspor vaksin.