Í Mikudagslotto-spælinum í kvøld vóru tveir spælarar so hepnir at hana seks røtt umfram Supertalið, og tað gav teimum 49.937.681 krónur í part. Annar vinnarin er dani, og hin er í Finnlandi.
Danin hevur keypt sín lottoseðil í Vordingborg á Sjællandi.
Hetta er tann næststørsti lottovinningurin í Danmark nakrantíð. Fyri trimum vikum síðani vann ein dani 135 milliónir krónur í Eurojackpot, og dagin eftir fall tann størsti Jokara-vinningurin nakrantíð. Hann var knappar 44 milliónir krónur.
