Í Vági verður av álvara fyrireika til nýggjárshald, og fólk hava verið í gongd í fleiri dagar.
Vágur er helst kendasta nýggjársbygd í Føroyum, og nógv verður gjørt burturúr. Í Vági verður sera nógv gjørt burturúr fýrverki, og vanligt er, at fólk koma til Vágs at uppliva hetta, eisini uttan úr heimi.
Báturin er komin at standa í Tríkantinum, har nýggjársnevndin hvørt ár brennir ein drekaskrýddan bát. Báturin er nú skrýddur, og verður hann nú fyltur við ymsum tilfari, ið skal brennast.
À miðnátt verður stór kyndlagonga við monnum og kvinnum, eini hundrað í tali, ið bera kyndlar vestur gjøgnum býin, kring Sandin og útaftir á Tríkantin, har sungið verður, innan kyndlarnir verða blakaðir í bátin, og stóra bálið harvið verður kynt.
Vanliga er stórdansur í Vágshøll, men koronustøðan forðar fyri hesum.
Myndin niðanfyri er tikin í Hvalba í morgun, og tað sæst, at eisini har gera tey klárt til stórt nýggjársbál.
##med2##
