Jákup Petersen, yvirlækni, bjóðar seg fram á tjóðveldislistanum í Norðoyggjum til næsta løgtingsval. Mánakvøldið 18. juni var annar uppstillingarfundur hjá Norðoya Tjóðveldisfelag til løgtingsvalið, sum skal verða í seinasta lagi í januar næsta ár. Umframt Heina O. Heinesen, fyrrverandi tingmann, varð m.a. Jákup Petersen, yvirlækni, settur á listan. Hetta veit Norðlýsið at siga.
