B36 sum longu hevur vunnið seg tvær ferðir víðari í Europa Conference League undankappingini, og 11 ferðir í Evropa í søgu felagsins skal nú í holt við triðja undanumfarið.
Mótstøðuliðið hjá B36 á Tórsvølli í annaðkvøld klokkan 19 er sterka kroatiska liðið, HNK Rijeka.
HER ber til at keypa atgongumerki til dystin.
Tað verður 31 ára gamli finski dómarin, Mohammed Al-Emara sum skal døma dystin millum B36 og Rijeka.
Í altjóða høpi hevur Mohammed Al-Emara bert dømt U19 landsdystir. Tann fyrsta í 2021. Tá talan er um dystir hjá felagsliðum í Evropa hevur Mohammed Al-Emara bert dømt ein dyst, og tað var 13. juli í ár, tá hann dømdi dystin millum Maribor úr Slovenia og Birkirkara úr Malta í fyrsta undanumfarinum í Europa Conference League.
So tað er ikki ein altjóða royndur dómari, ið fer at døma dystin millum B36 og Rijeka á Tórsvølli í annaðkvøld. Hann hevur tó dømt í heimligu finsku kappingini síðani 2014.
B36 Tórshavn (FRO) - HNK Rijeka (CRO)
Dómari: Mohammed Al-Emara (FIN)
Hjálpardómari 1: Turkka Joonas Valjakka (FIN)
Hjálpardómari 2: Juuso Mantere (FIN)
Fjórði dómari: Peiman Simani (FIN)
UEFA dómaraeygleiðari: Nicolae Grigorescu (ROU)
UEFA umboð: Laura Montgomery (SCO)
