- Eftir fyrireikingar í eina tíð, eru vit nú klárir at bjóða okkum fram sum ein seriøsur, álítandi og tryggur veitari til alt innan hvs.
Tað siga teir á maskinverkstaðnum Áway í Norðragøtu, sum brøðurnir, Álvur og Tollakur Joensen, eiga og reka.
- Seinastu fýra árini hava vit havt mest fokus á maskinsmíð, veitingar til skip, sølu og viðlíkahald av truckum, kranun, umframt viðlíkahald av alskins slagi innan maskinsmíð.
Áway vísir á, at hvs hevur verið partur av virkseminum, men mest í nærumhvørvinum.
- Nú økja vit um hetta virksemi og bjóða okkum at veita alt innan hvs kring alt landið.
Áway hevur sett roynt fólk at taka sær av hvs-virkseminum hjá maskinverkstaðnum í Norðragøtu.
Lagt verður aftrat, at goymslan eisini verður dagførd, og fyritøkan fer at liggja inni við øllum vanligum lutum til egið brúk í fyritøkuni - og til sølu.
Áway hevur eisini gott samstarv við dugnaligar veitarar til bæði stórt og smátt innan hvs, sum tikið verður til.
- Vit leggja stóran dent á at veita viðskiftafólki eina góða og tíðarhóskandi veiting, siga teir hjá Áway í Norðragøtu.
