Jana Mittún og liðfelagarnir í Viborg spældu í kvøld dyst á útivølli í bestu donsku hondbóltsdeildini móti botnliðnum, Bjerringbro.
Viborg vann stórsigur 38-29. Í steðginum vóru Jana og liðfelagarnir á odda 20-16.
Jana skoraði fýra mál upp á seks málroyndir, og hon legði eisini upp til fýra mál (assist).
Viborg er fjórðfremst í deildini við 24 stigum.
Sunnudagin klokkan 13 spælir Viborg dyst á útivølli í bólki D í EHF European League móti pólska liðnum, Zaglibie. Um Viborg fær stig í hesum dystinum hava tær vunnið seg í fjórðingsfinalurnar.
Horsens uttan Mariu P. Nólsoy tapti í kvøld á heimavølli 34-35 (16-17) fyri Nykøbing-Falster. Útiliðið skoraði sigursmálið í seinasta sekundinum av dystinum.
Horsens er nummar 10 í deildini við 10 stigum.
