Norðurlandahúsið verður karmur um tvær stórar javntøðuráðstevnur, sum Útnorðurráðið skipar fyri mikudagin og hósdagin. Fyrra dagin verður evnið javnstøða í skúlanum og seinna dagin javnstøðulógir og virkisætlanir.
Á ráðstevnunum, sum eru óheftar av hvørji aðrari, verður heili 19 fyrilestrahaldarar úr øllum Norðurlondum, og báðar tvær eru bæði almennar og ókeypis.
Almennar og ókeypis
Javnstøða í skúlanum snýr seg um týdningin av javnstøðu millum kynini heilt frá barni av, og hvussu javnstøða kann fremjast í skúlanum. Málbólkurin er lærarar, pedagogar, foreldur, skúlanevndir, politikarar og onnur áhugað.
Á ráðstevnuni um javnstøðulógir og virkisætlanir verða javnstøðulógirnar í ymsu Norðurlondunum til viðgerðar. Greitt verður eisini frá broytingum, virkisætlanum og royndunum av hesum, og her er málbólkurin politikarar, starvsfólk í fyrisitingini og onnur áhugað.
Ráðstevnurnar, sum báðar dagarnar eru millum klokkan 9.30 og 16.00, eru almennar og ókeypis. Tey, sum vilja hava mat í døgurðasteðginum skulu tó tekna seg til á jafnretti@jafnretti.is
Nágreiniligar skráir eru at finna á www.javnratt.fo. Jóhan Dahl, landsstýrismaður í javnstøðumálum, og Helena Dam á Neystabø, landsstýriskvinna í skúlamálum, luttaka á ráðstevnunum, sum báðar dagarnar enda við kjaki.
Javnstøða í skúlanum
Á ráðstevnuni um javnstøðu í skúlanum, sum verður mikudagin, finna vit eitt nú hesar fyrilestrahaldarar:
Carita Peltonentur, konsulentur: Javnstøða í Norðurlondum – menning og royndir.
Lasse Højbjerg Helsted, fulltrúi í danska vinnumálaráðnum: Avmarkandi kynsleiklutir – dagstovnar og skúlar sum menningarrúm.
Arnfríður Aðalsteinsdóttir, projektleiðari á íslendsku javnrættarstovuni: Kvinnur og menn mugu tosa saman. Javnstøða í forskúlanum og skúlanum.
Marna Jakobsen, cand. mag.: Kynsperspektiv í føroyskum skúlum.
Elisabeth Wahl, svenska útbúgvingarmálaráðið: Javnstøðuarbeiðið í verki í svenskum skúlum
Javnstøða í lóggávuni
Seinna dagin, hósdagin, tá evnið verður javnstøðulógir og virkisætlanir, verða millum onnur hesi á skránni:
Guðbjörg Linda Rafnsdóttir, professari við íslendska universitetið, og Karin Jóhanna Knudsen, Granskingardepilin fyri Samfelagsmenning: Vælferð og javnstøða í Útnorði.
Kári á Rógvi, løgfrøðingur og løgtingslimur: Javnstøða í Føroyum.
Hans Petter Graver, professari við Senter for Europarett, univeristetið í Oslo: Framløga av nýggjari heildardiskrimineringslóg í Noregi.
Aleqa Hammond, landstingslimur í Grønlandi: Politikkur sæddur við grønlendskum kvinnueygum.
Ingibjörg Eliasdóttir, løgfrøðingur: “Javnstøðupoliti” – fer tað kanska at vera neyðugt? Nýggja íslendska javnstøðulógin.
Mia Helena Heikkilä, granskari: Diskrimineringslóg ella javnstøðulóg? Lógir og virkisætlanir sum vegur at fremja javnstøðu í Finlandi og Svøríki.
