Hvalbiar kommuna minnir nú sínar borgarar á løgtingslóg um umhvørvisvernd og kunngerð um umhvørvisreglur, sum viðvíkja taðing.
Sambært viðkomandi løgtingslóg um umhvørvisvernd má einki, ið kann dálka vatnið, verða leitt út í áir, løkir, vøtn ella strond.
Nevnda kunngerð sigur, at tøðini skulu brúkast til taðing, soleiðis at hetta ikki elvir til dálking av áum ella er til ampa fyri fólk, ið búgva nærindis.
- Vit heita tí á borgarar um ikki at leiða tøð frá fjósum ella seyðahúsum út í áir, vøtn ella strond, siga tey í Hvalbiar kommunu á sínari heimasíðu - www.hvalba.fo
