Sløk 22.000 eru staðfest deyð eftir ógvusliga jarðskjálvtan, sum rakti Turkaland og Sýra harðast.
Tað er greitt, eftir at staðfesta talið av deyðum í Turkalandi er hækkað til 18.342.
Tað upplýsir turkiski katastrofumyndugleikin Afad í morgun sambært tíðindastovuni Reuters.
Harumframt eru higartil staðfest, at 3377 eru deyð í grannalandinum Sýria, skrivar tíðindastovan dpa.
Tað merkir, at staðfesta talið av deyðum tilsamans í báðum londum er 21.719.
Talið av særdum í Turkalandi er hækkað til 74.242, upplýsir Afad.
Tað var mánamorgunin klokkan 04.17 lokala tíð, meðan tey flestu svóvu, at ein jarðskjálvti rakti Turkaland og Sýra, sum eina roknaða styrki upp á 7,8. Eisini fleiri harðir eftirskjálvtar raktu økið.
Tilsamans vóru sambært Afad yvir 1000 eftirskjálvtar, skrivar Reuters.
/ritzau/
