Tað var eingin ivi, tá ið teir næstbestu hjá Skála tóku ímóti besta liðnum hjá ÍF.
Fuglfirðingar vunnu 5-1, eftir at hálvleiksstøðan var 2-1.
Fimm ymiskir ÍF málskjúttar vóru. Í fyrra hálvleiki vóru tað Jan Ó. Ellingsgaard og Frank Poulsen, sum skoraðu, og eftir steðgin vóru tað Dánjal á Lakjuni, Dion B. Splidt og í tíðini, sum varð løgd aftrat seinna hálvleiki, var tað Poul Nolsøe Mikkelsen, sum staðfesti sigurin. Hann er nú komin fyri seg aftur, eftir at hann í fjør tíðliga í kappingarárinum varð lagdur undir skurð orsaka av krossbandsskaða.
Málið hjá heimaliðnum skoraði Jóhan Bergsson Johansen við brotssparki, tá ið tað restaðu tíggju minuttir av fyrra hálvleiki. Tá varð støðan 2-1 til ÍF.
ÍF hevur tíggju stig fyri fimm dystir, og Skála hevur trý stig fyri fimm dystir.
KÍ – B71: Bjarki Danielsen kl. 14.00
Víkingur – NSÍ: Rúni Olsen kl. 14.00
B68 – Giza Hoyvík: Johan Petur Michelsen kl. 16.00
Skála – ÍF: 1-5 (1-2)
HB – Suðringar: Áron Sofus Vest kl. 13.00
