- Í ár hevur Aksel Højgaard verið í 30 ár í starvi hjá Nes kommunu. Hann byrjaði á vári í 1995 sum arbeiðsformaður. Seinni gjørdist hann leiðari á teknisku deild.
Í Nes kommunu siga tey í dag, at Aksel seinastu tvey árini mest hevur arbeitt við at skráseta vatn- og kloakkskipanina hjá kommununi.
- Hesi 30 árini hevur Nes kommuna ment seg munandi, so dagligdagurin er eisini sera nógv broyttur í fyrisitingini.
Á lítlari samkomu á kommunuskrivstovuni fríggadagin takkaði Súni í Hjøllum, borgarstjóri, Akseli Højgaard fyri trúgva og drúgva tænastu.
Borgarstjórin handaði honum eisini eina gávu saman við blómum og ynskti honum alt tað besta og framhaldandi blíðan byr.
