Neistin-StÍF 23-29
Coca-cola kappingin, menn
StÍF vann fyrru hálvfinaluna í Coca-cola kappingini móti Neistanum við seks málum, og nógv bendir sostatt á, at teir nú hava meira enn annan fótin í finaluni.
StÍF var oman á so at siga allan dystin, og hóast Neistin soleiðis av og á mutaði harðliga ímóti, so eydnaðist teimum ongantíð at koma heilt upp á síðuna av mótstøðuliðnum.
Fyri Neistan skeyt Ári Rouch 5 mál, meðan Rune Møller, Jacob Jónsson og Áki Mørk skutu 4 mál hvør.
Fyri StÍF skutu Artur Johansen og Marius Joensen 6 mál hvør, meðan Alexander Johansen skeyt 5 mál.
