Stýrið fyri “Heimatænastuna í Vágum” samtykti á fundi tann 23. oktober 2014 at seta Sonju Klein sum leiðara fyri Heimatænastuna í Vágum.
Starvið er sett frá 1. november 2014 at rokna. Teir fyrstu tveir mánaðirnar verða brúktir til at fyrireika yvirtøkuna av eldraøkinum.
Sonja hevur drúgvar royndir á økinum. Hon var økisleiðari fyri Vágar/Norðstreymoy frá 1996 til 2013. Hon hevur eisini í nógv ár arbeitt sum sjúkrasystir og heimasjúkrasystir.
Sonja varð útbúgvin sum sjúkrarøktarfrøðingur á Sjúkrasystraskúla Føroya í 1972 og sum heilsufrøðingur á Danmark Sygeplejehøjskole í 1990.
- Umframt hesar útbúgvingar, hevur hon tikið hópin av viðkomandi skeiðum, bæði faklig og innan leiðslu og fyrisiting.
Tað veit Vága kommuna at siga í dag.
