Fríggjakdagin er mentanarnátt, og eitt av nógvum tiltøkum hendan dagin, verður ein mótasýning við klæðum sum vísir, hvussu havnarfólk gingu ílatin fyrr í tíðini.
Talan er um at vísa, hvussu fólk gingu ílatin frá umleið 1920 til í sjeytiárunum.
##med2##
Umframt at vísa føroyska mótasøgu í eina hálva øld, vísir sýningin eisini altjóða rákið, samfelagsmenningina og livikorini í Havn í hesum tíðarskeiði.
Mótasýninginer í Müllers Pakkhúsi og tað er Ria Tórgarð, sum fer at siga frá, og umleið 40 fólk í øllum aldrum fara at sýna klæðir fram frá ymsu tíðarskeiðunum.
Myndirnar hevur: Rósa Tovudóttir tikið.
