Tað var upp til menninar umborð á 6-mannafarinum Smyrli at syrgja fyri, at mannfólkini í Suðuroy vunnu nakran sigur á jóansøku, og harvið livdu upp til tað, sum genturnar umborð á Firvaldi syrgdu fyri tíðliga seinnapartin.
Hvessingur úr Hvalvík og Streymnesi sprakk avstað og var eina løtu fremstur. Í miðrórðinum lógu hesir báðir og togaðust borð um borð. Okkurt takið var Hvessingur undan og okkurt annað takið var Smyril undan.
Í endaspurtinum var einki at rafla um. Tá ið tað restaðu hundrað metrar, vísti tað seg at líða væl betri eftir hjá teimum í heimasjógvi, og tá ið teir fóru um málið var Smyril eina bátslongd undan Hvessingi.
Í kappingini um triðja plássi var Fortuna nógv fremst.
Hetta var fjórði sigurin hjá vágbingum, sum harvið liggja sera væl fyri í FM kappingini.
1 Smyril 05.01.11
2 Hvessingur 05.03.13
3 Fortuna 05.13.23
4 Gongurólvur 05.20.19
5 Strálan 05.30.13
Støðan
1 Smyril 28
2 Hvessingur 24
3 Fortuna 17
4 Gongurólvur 15
5 Páll Fangi 10
6 Strálan 3
