Tað verður íslendingurin, Hjörtur Smarason, sum skal standa á odda fyri Visit Greenland frá 1. apríl í ár at rokna. Hann skal avloysa Juliu Pars sum stjóri.
Íslendingurin skal standa á odda fyri at seta gongd aftur á ferðavinnuna í Grønlandi eftir koronu-kreppuna, sigur Visit Greenland í tíðindaskrivi í dag.
- Ferðavinnan í Grønlandi gongur móti einari ógvuliga spennandi tíð, har nýggjar floghavnir fara at lata upp fyri spildurnýggjum møguleikum.
Sjálvur heldur nýggi stjórin í Visit Greenland, at nýggjar íløgur og vørumenning innan grønlendsku ferðavinnuna fara at skapa eina røð av spennandi størvum innan vinnuna.
