Um vikuskiftið verður stóra styrki, vakurleika og fitness tiltakið ”Burn Showdown” í høllini á Hálsi, har 14 ymiskar kappingar verða. Ein av kappingunum, sum verður fyri fyrstu ferð nakrantíð, er Føroya sterkasta kvinna
Les eisini: "Big Z" til Føroya í fullari styrki
Tríggjar kvinnur hava meldað til. Tær eru Armgarð Arnbjarnardóttir á Regni, sum er av Toftum, Tóra Martinssdóttir úr Vágunum og Jóna Nicolajsen av Sandoynni.
- Tankin hevur verið til í eina tíð, men ongin hevur gjørt nakað við tað. Sjálvandi skulu tær verða ein partur av tiltakinum. Tað hevur eina ferð verið fimasta kvinna, men ongntíð nakað av hesum slagi í Føroyum , sigur Jákup Súni Berg, høvðusfyriskipari.
Føroya sterkasta kvinna verður fríggjadagin frá klokkan 17 til 18. Ætlanin er í framtíðini, at eisini hava altjóða kappingar í Føroyum fyri kvinnur í styrki.
Føroya sterkasta kvinna:
Jóna Nicolajsen
Tóra Martinsdóttir
Armgarð á Regni
Her er skráin til tiltakið:
Fríggjadagin 17. novembur
17.00 – 18.00 Føroya sterkasta kvinna
18.15 – 20.15 Strongman
20.30 – 23.00 Boksing
Leygardagin 18. novembur:
12.00 – 13.00 Kettlebell
13.00 – 15.00 Weightlifting
14.00 – 16.00 Powerlifting
15.00 – 17.00 Crossfit
17.00 – 19.00 Steðgur
19.00 – 22.00 Bikini Fitness, Women’s Figure, Men’s Figure og Miss Faroe Islands
22.15 – 22.45 Steypahandan
23.00 - Medina
