Reglugerðir, sum skulu yvirhaldast fyri at fáa loyvi at brenna bál, síggjast á heimasíðunum hjá ymsu kommununum. Niðanfyri eru nakrar av reglunum og góðu ráðunum:
* Bert reinur, óviðgjørdur og turrur viður skal verða nýttur.
* Støddin á bálinum skal í mesta lagi vera 3 metrar í diametur og 2 metrar í hædd.
* Bál, størri enn 3 metrar í diametur og/ella 2 metrar í hædd, skulu frammanundan góðkennast av Sløkkiliðnum við sýn á staðnum og verða bert loyvd, um Sløkkiliðið metir trygd og frástøðu at verða hóskandi til umstøðurnar.
* Veðrið skal vera til vildar, og vindferðin skal í mesta lagi verða 15 metrar um sekundið.
* Frástøða til hús og lutir skal vera nóg stór.
* Navnsnevndur ábyrgdarpersónur skal vera á staðnum, og sløkkiliðið skal hava allar kontaktuplýsingar (navn, telefonnummar og adressu) til viðkomandi.
* Um tað verður neyðugt hjá Sløkkiliðnum at fara á staðið at sløkkja ella rudda, er tað navngivni ábyrgdarpersónurin, ið fær rokningina.
* Økið, har bálið verður brent, skal verða ruddað í seinasta lagi dagin eftir.
* Mælt verður til at hava spannir ella vatnkør á staðnum til sløkking ella køling í samband við møguligar brunaskaðar.
Hesar treytir skulu tryggja, at bálbrenningin verður gjørd við skynsemi, umframt at minst møgulig umhvørvisárin standast av brenningini.
