Skulu vit trúgva keldum hjá Sky Sports í Sameindu Arabisku Emiratunum, er ein avtala longu komin í lag millum venjaraleysa Manchester City og kilenska Manuel Pellegrini.
Tað er Barcelona-líki spælihátturin, sum Pellegrini vil føra til Manchester City liðið, ið dregur Abu Dhabi eigararnar.
- Talan verður um eitt heilt nýtt »set-up« og ein heilt nýggjan spælistíl, sigur keldan við Sky Sports.
Sjálvur hevur Pellegrini avsannað, at hann hevur verið í samband við Manchester City, men ítróttablaðið í Malaga vil vera við, at umboðsmaðurin hevur havt heilar tríggjar fundir við umboð fyri City.
Tað hevur ligið i luftini í longri tíð, at Mancini fór at fáa sekkin, og fleiri enskar heimasíðir vilja vera við, at Mancini hevði verið koyrdur, sjálvt um hann hevði megnað at vunnið FA-cuppina, sum jú endaði í fiasko, meira ella minni, við tapinum móti Wigan.
Fá onnur nøvn enn Pellegrini hava verið at hoyrt í sambandi við leysa sessin í Manchester City, og flestu ensku heimasíður hava hann sum favoritt at gerast næsti venjarin í City.
