Í nøkur ár hevur Føroya Dátusavn havt eina ókeypis tænastu á heimasíðuni www.Kortal.fo, sum hevur verið sera nógv vitjað.
Heimasíðan varð endurnýggjað í 2010, og verður nú endurnýggja enn einaferð. Hesaferð við nógvum nýggjum brúkaravinarligum markamótum.
Millum hesi er eitt nýtt tema við staðsettum myndum, eins og allir landsvegirnir hava fingið serligan lit, umframt skeltir við viðkomandi veganummari.
Og fyri at eingin skal koyra skeivt inn í ein einsrættaðan veg, hava hesir nú fingið pílar, ið vísa koyrirætningin.
Fyri tann, ið ynskir at vita, hvar ein kann finna steðgipláss til bussarnar hjá Bussleiðini hjá Tórshavnar Kommunu, so eru hesi eisini merkt á kortinum.
