Nú er greitt, at næsta norður-atlantiska fiskivinnustevnan verður í Klaksvík um eitt ár.
Klaksvíkar Kommuna og North Atlantic Fish Fair hava gjørt avtalu um, at næsta North Atlantic Fish Fair verður í Klaksvík í døgunum 9. til 11. apríl 2013.
Hetta verður aðru ferð, at North Atlantic Fish Fair verður í Klaksvík.
Annars hevur stevnan verið bæði í Runavík og í Havn.
Fyrstu ferð, hetta tiltak bleiv fyriskipað, var í Runavík í 2001, og síðani hevur tað verið annaðhvørt ár, uttan í 2009.
Nógv fólk hava verið á stevnuni hvørt ár, bæði framsýnarar og fólk, sum eru komin at hyggja.
Umleið helvtin av framsýnarunum og eini 10% av teimum vitjandi, hava verið útlendingar
Ímeðan stevnan er, verður eisini skipað fyri ráðstevnu og fyrilestrum.
