– Almennir myndugleikar hava skyldu at fylgja niðurstøðunum hjá ráðnum, sigur Helena Dam á Neystabø.
Tað skal eisini bera til hjá almenningum og stovnum at spyrja Málráðið málsligar spurningar, og ráðið skal samstarva við fjølmiðlar, stovnar og?almennar myndugleikar, ið hava stóra málsliga ávirkan.
Málráðið skal eisini samstarva við yrkisbólkar um at menna gott føroyskt yrkismál og skal yvirhøvur hjálpa til at gera nýggj orð.?Somuleiðis skal Málráðið gera eina nýggja stavsetingarorðabók, sum ásetir stavraðið,?stavseting, bending, teknseting og tílíkt.
Tað skulu vera 15 limir í Málráðnum. Landsstýriskvinnan skal sjálv velja tveir limir, men hinir 13 skulu veljast eftir tilmæli frá stovnum, feløgum og øðrum, sum hava áhuga fyri málinum, ella sum arbeiða við føroyska málinum.?Tó skulu Fróðskaparsetrið, Móðurmálslærarafelagið, Javnstøðunevndin, Navnanevndin, Nám, Rithøvundafelagið og Staðarnavnanevndin altíð?tilmæla hvør sín lim í Málráðið.
