Javnaðarflokkurin hevur 11 valevni til fólkatingsvalið, sjey mannfólk og fýra konufólk. Tað er í stríð við grein 6 í lógunum fyri Javnaðarflokkurin, sum sigur, at:
Á endaliga valevnislistanum skal tað vera javnstøða ímillum kynini.
Uppstillingarfundur var í Suðurstreymoyar Javnaðarfelag gjárkvøldið. Portalurin skilir, at fundurin var ónøgdur við manglandi kynsjavnstøðu á valevnislistanum.
Fundurin heitti eisini á Aksel V. Johannesen, formann, um at taka málið upp við starvsnevndina og mæla til, at starvsnevndin stillar tríggjar kvinnur upp afturat á listanum til fólkatingsvalið.
Listin skal verða endaliga avgreiddur sunnudagin tann 4. september.
Einasta navnið, Portalurin veit við vissu stillar upp fyri Javnaðarflokkin, er Sjúrður Skaale.
