Eitt línuskip undan Íslandi landar mánadagin. Skipið hevur eina blanding av toski, hýsu, brosmu, longu og kongafiski.
- Eitt frystiskip og eitt ísfiskalínuskip eru eisini undir Íslandi, men landa neyvan í vikuni sum kemur.
Tað veit Fiskamarknaður Føroya at siga.
Lagt verður aftrat, at fýra línuskip eru undir Føroyum, og væntandi landar tað eina í vikuni sum kemur.
At enda eru tvey línuskip, eitt frystilínuskip og eitt ísfiskalínuskip, í Eysturgrønlandi og fiska tosk. Bæði skipini fiska tosk.
- Restin av línuflotanum liggur, men helst fara nøkur skip út aftur næstu dagarnar.
Lagt verður aftrat, at streymurin verður góður, og veðurútlitini eru eisini hampiliga góð.
- Tí verður eisini roknað við, at nakað verður av útróðri. Bátarnir fáa mest av toski og hýsu og eitt sløð av hvítingi, vita tey á Fiskamarknaði Føroya at siga.
