Kunnandi fundur um menningarsamstarv í Miðlahúsinum mikukvøldið 8. september klokkan 20.
Christian Aid er ein sjálvboðin hjálparfelagsskapur, sum arbeiðir við menningarsamstarvi og neyðhjálp úti í heimi. Felagsskapurin er skrásettur í Onglandi, og virkar har tørvurin er stórstur, óheft í mun til religión og húðalit. Í 2009 fekk felagsskapurin viðurkenningina »the Human Accountability and Quality Management Standard«.
Felagsskapurin kemur nú til Føroyar at kunna um sítt virksemi og um teir møguleikar, føroyingar hava at virka sum sjálvboðin ella í starvi hjá felagsskapinum.
Á fundinum í Miðlahúsinum verður eisini høvi at seta spurningar og fáa eitt prát við umboðini, sum koma úr London. Charlotte Seymour vónar, at koma á tal við nógvar føroyingar.
