Soleiðis sigur ukrainski forsetin, Volodomyr Zelenskyj, tá BBC spyr hann um gongdina í krígnum.
Forsetin ásannar eisini, at gongdin er trekari, enn ynskiligt er.
- Nei, hetta er ikki ein filmur. Hetta er ein veruleiki.
Ukraina sigur, at landið í hesum umfari hevur tikið átta landsbygdir aftur frá russum.
Hesar bygdir liggja í Zaporizjzja-og Donetsk-landslutunum har eysturi í Ukraina.
Sambært forsetanum hava russar lagt minur kring um 200.000 ferkilometrar av landinum.
Í samrøðuni við BBC sigur Volodomyr Zelenskyj, at Ukraina hevur brúk fyri trygdargarantii frá Nato.
- Okkara fremsta mál er at fáa limaskap í verjusamgonguni, Nato, sigur hann.
Forsetin leggur aftrat, at Ukraina fer ikki at geva seg, so leingi sum Russland er í ukrainskum øki.
- Tað er neyðugt at sigra á hermótinum, leggur Volodomyr Zelenskyj aftrat.
