Føroyska sangarinnan Brimheim hevur gjørt eitt cover av populera sanginum "The Aftermath", sum er ein av klassikarunum hjá danska rokkbólkinum Kashmir.
Brimheim hevði eina beinleiðis konsert í sendingini hjá Livebeatet, har hon spældi hesa útgávuna av The Aftermath, sum má sigast at vera í røttum Brimheim-stíli. Hetta bleiv tikið upp í Studio 4 í Koncerthuset í DR Býnum.
Føroyska sangarinnan Brimheim hevur annars sera nógvan undanvind í løtuni. Hon hevur verið tilnevnd fleiri virðislønir seinastu mánaðirnar og hevur eisini vunnið fleiri - millum annað bleiv hon "Ársins nýggja navn" á FMA í Føroyum herfyri.
P6 Beat hevur lagt videobrot av framførsluni út á facebooksíðu sína, har tey kalla útgávuna hjá Brimheim fantastiska.
Tú kanst hoyra og síggja Brimheim syngja The Aftermath hjá Kashmir niðan fyri her:
<iframe src="https://www.facebook.com/plugins/video.php?height=314&href=https%3A%2F%2Fwww.facebook.com%2Fdrp6beat%2Fvideos%2F742165123336180%2F&show_text=false&width=560" width="560" height="314" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>
