Fríggjadagin klokkan 16 spælir føroyska U21-landsliðið næstseinasta dystin í hesari EM-undankappingini á vøllinum við Djúpumýru í Klaksvík.
Portugal er fremst í bólkinum við 21 stigum. Grikkaland hevur 17 stig og Kroatia hevur 16 stig. Portugal kann við sigri á Føroyum staðfesta bólkasigurin í undanbólki G.
Føroyar eru nummar fýra í bólkinum við sjey stigum. Við sigrum á Portugal fríggjadagin og á Hvítarusslandi á Tórsvølli týsdagin 15. oktober klokkan 17 kann U21-landsliðið taka stigametið frá U21-landsliðnum í 2011, ið megnaði at vinna 11 stig. Við javnleiki móti Portugal og sigri á Hvítarusslandi javnar núverandi U21-landsliðið stigametið frá 2011.
Her er hópurin hjá Portugal:
Málverjar: André Gomes (SL Benfica), João Carvalho (SC Braga) og Samuel Soares (SL Benfica).
Verjuleikarar: Chico Lamba (FC Arouca), Gabriel Brás (FC Porto), Rafael Rodrigues (AVS), Rodrigo Gomes (Wolverhampton Wanderers FC), Rodrigo Pinheiro (FC Famalicão), Tiago Santos (LOSC Lille) og Tomás Araújo (SL Benfica).
Miðvallarar: Dário Essugo (UD Las Palmas), Gustavo Sá (FC Famalicão), João Marques (SC Braga), Mateus Fernandes (Southampton FC), Paulo Bernardo (Celtic FC) og Vasco Sousa (FC Porto).
Áleyparar: Carlos Borges (Wolverhampton Wanderers FC), Fábio Silva (UD Las Palmas), Geovany Quenda (Sporting CP), Henrique Araújo (FC Arouca), Pedro Santos (Moreirense FC), Rodrigo Mora (FC Porto) og Tiago Tomás (VFL) Wolfsburg).
