Nú ger Eiðis kommuna ábøtur á brimverjuna. Vestari armur hevur í fleiri ár verið nakað slitin, nógv grót á innaru síðu á brimverjuni er fallið burtur, tískil var neyðugt við ábøtunum nú sigur Eiðis kommuna.
Tað var annars Kampmann, Kierulff & Saxild A/S, Højgaard & Schultz, sum í 1978 undirskrivaðu avtalu við Eiðis kommunu um at byggja brimverjuna. Tá var mett at kostnaðurin fór at verða okkurt um 17 milliónir krónur.
Nú eru nógv ár síðani man hevur gjørt ábøtur á brimverjuna, og seinastu árini hevur man sæð, at meiri og meiri er av gróti er blivið burtur, sigur Eiðis kommuna.
Tað er Hans Egil Joensen & synir ið standa fyri at gera hesar ábøtur. Kostnaðurin er settur at vera kr. 200.000 krónur.
