Í fyrstu forsøgnini eftir tjóðartingsvalið í Ungarn í dag stendur andstøðuflokkurin Tisza til at vinna 125 av teimum 199 sessunum í tjóðartinginum.
Forsøgnin varð gjørd eftir at 14,7 prosent av atkvøðunum vóru taldar.
Tað skrivar Reuters.
Fyrsta forsøgnin líkist tveimum meiningakanningar, sum vórðu gjørdar dagarnar fram til valið.
Tær spáa, at andstøðuflokkurin Tisza við Péter Magyar á odda fer at vinna millum 55 og 57 prosent av atkvøðunum.
Hetta kann umsetast til millum 132 og 135 av teimum 199 sessunum í Ungarnska tjóðartinginum.
Veljarakanningarnar geva flokkinum hjá Viktor Orbán, forsætisráðharra, Fidesz, millum 37 og 38 prosent av atkvøðunum.
Fyribils úrslit verða væntandi kunngjørd í kvøld.
##med2##
/Ritzau/
