Flogvøllurin í Pskov har vesturi í Russlandi er í kvøld álopin - sambært útlendskum miðlum helst við dronum.
Guvernørurin í økinum, Mikhail Vedernikov, skrivar á Telegram, at russiska verjan roynir at byrgja uppfyri fleiri álopum á flogvøllin.
Tíðindastovan Tass sigur, at fleiri russisk hernaðarlig flutningsflogfør hava fingið skaða í álopunum.
Reuters, sum endurgevur russiskar tíðindastovur, vísir eisini á, at video-upptøkur í russiskum miðlum vísa spreingingar og royk á flogvøllinum.
Tíðindini um álopini í kvøld eru ikki váttað av óheftum keldum, men Tass veit at siga, at fýra hernaðarflogfør av slagnum, II-76, eru rakt.
Miðlarnir siga, at Pskov-flogvøllurin bæði er hernaðarligur og sivilur, og Pskov-regiónin hevur mark til bæði Hvítarussland, Estland og Litava.
Á viðhefta korti her niðanfyri sæst á leið, hvar Pskov-økið liggur har vesturi í Russlandi.
##med2##
