Bæði føroyingaliðini í bestu íslendsku hondbóltsdeildini, Valur hjá Allani Norðberg og ÍBV hjá Dánjali Ragnarssyni skulu royna seg í European Cup komand leygardag.
Talan er um fyrra dystin í triðja umfarinum í European Cup. Fyrsta vikuskiftið í desember spæla Valur og ÍBV seinnu dystirnar í triðja umfarinum á heimavølli í Íslandi.
Valur spælir móti ukrainska liðnum, Motor Zaporozhye leygardagin klokkan 16, og ÍBV spælir móti eysturríkska liðnum, Krems leygarkvøldið klokkan 18.
Valur spælir heimadystin í Reykjavík, leygardagin 2. desember klokkan 18. ÍBV spælir heimadystin úti í Heimey, leygardagin 2. desember klokkan 14.30.
VÍF spælir sínar dystir móti italska liðnum, Brixen í triðja umfarinum í European Cup í Vestmanna, leygardagin 2. desember og sunnudagin 3. desember. Báðar dagarnar verður byrjað klokkan 17.
