Donsku meistarnir vunnu í kvøld ein flottan 2-0 sigur á Panathinaikos. FCK kom á odda eftir ein lítlan hálvan tíma við máli frá Dame N?Doye, sum kom til FCK frá júst Panathinaikos. Løtu seinni smekkaði Martin Vingaard eitt fríspark beinleiðis í kassan. FCK hevði fyri tað mesta tamarhald á dystinum, og sigurn var uppiborin. FCK hevur nú vunnið tveir teir fyrstu dystirnar í bólkaspælinum og liggur einsamalt á odda. Hin dysturin í bólkinum var í Russlandi millum Ruben Kazan og Barcelona. Hann endaði við javnleiki 1-1.
Manchester United var uttan Wayne Rooney, Paul Scholes og Ryan Giggs, tá teir í kvøld vóru á vitjan í Valencia. Tað gjørdi tó minni, tí Manchester United vann dystin 1-0 við máli frá Javier Hernandez stutt fyri leiklok. Rangers vann hin dystin í bólkinum 1-0 á Bursaspor.
Bæði Inter Milan og Tottenham vunnu greitt í bólki A. Inter vann 4-0 á Werder Bremen, har Samuel Eto?o skoraði hattrick. Í London vann Tottenham 4-1 á Twente. Roman Pavlyuchenko skoraði tvey mál, meðan Rafael Van der Vaart og Gareth Bale skoraðu eitt í part.
Champions League:
Bólkur A:
Inter ? Werder Bremen 4-0
Tottenham ? Twente 4-1
Bólkur B:
Hapoel Tel Aviv ? Lyon 1-3
Schalke 04 ? Benfica 2-0
Bólkur C:
Rangers ? Bursaspor 1-0
Valencia ? Manchester United 0-1
Bólkur D:
Rubin Kazan ? Barcelona 1-1
Panathinaikos ? FCK 0-2
