Forsætisráðharrin í Ungarn, Viktor Orban, sigur, at hann fer at snakka við russiska forsetan í dag, og tað er tíðindastovan, Reuters, sum endurgevur.
Amerikanski forsetin, Donald Trump, segði í gjárkvøldið, at hann hevur gjørt eina avtalu við Putin um, at teir skulu hittast í høvuðsstaðnum Budapest í Ungarn í næstum.
Avtalan er, sigu Trump, at hetta verður innan tær næstu tvær vikurnar.
Viktor Orban váttar í dag, at landsins myndugleikar eru farnir í holt við at fyrireika komandi fundin millum forsetarnar í USA og Russlandi.
Evnið á fundinum verður friður, sigur hann.
Forsetin í Ungarn heldur, at friður hevði latið upp fyri einari røð av búskaparligari menning.
- Evropa eigur at lata upp sína diplomatisku "kanal" móti Russlandi, sigur forsetin í Ungarn, ið er kendur fyri at sita væl um sátt við russiska forsetan.
Í dag fer amerikanski forsetin at hitta ukrainska forsetan, Volodymyr Zelenskyj, í Hvítu Húsunum.
