Í veruleikanum var telefonin ein 22 kalibur skammbyrsa, og løgreglan fann hana undir einari húsarannsókn stutt uttan fyri Napoli.
Umta heldur sjáldsomu skammbyrsuna legði løgreglan hald á ein skottryggan vest, lóður og pengar. Sambært bretska kringvarpinum BBC hevði maðurin, sum átti skammbyrsuna, tilknýti til ta kendu Camorra-mafiuna í Napoli.
Italska løgreglan sigur, at skammbyrsan tekur fýra patrónir, og at kúlan fer út ígjøgnum tað, sum sær út sum ein antenna á einari fartelefon.
Fyribils hevur løgreglan tikið ein mann í sambandi við tað heldur sjáldsama fundið, men sum skilst verður hetta ikki tann einasta handtøkan í hesum máli.
