Í kvøld verður fyrra innleiðandi umfari í íslendska Grand Prixnum hildið. Seks sangir luttaka, og tríggir teirra sleppa víðari í finaluna, sum verður um tvær vikur.
Næsta vikuskiftið skal Kristina Bærendsen syngja duett saman við Páll Rósinkranz í íslendska Grand Prixnum, men longu í kvøld verður ein føroyskur sangari á pallinum.
Tað er Olvheðin Jacobsen úr Hvannasundi, sum syngur kór hjá Ernu Mist Pétursdóttir. Olvheðin er 26 ára gamal og gongur á tónleikaskúla í Íslandi í løtuni.
Sangurin hjá Ernu Mist eitur Skuggamynd og er sangur nummar tvey í kappingini í kvøld.
Olvheðin stendur sum nummar trý frá vinstru á myndini omanfyri.
